Hargiesa 2007

British P.Minster

Welcome Party

Hargeisa Univ

Hargiesa 2006

S/Land-Aljezera

SDWO (London 31/05/08) Maalmaha 27 iyo 31ka May waa maalmo xusid ka mudan dhamaanba shacabiga iyo dawlada Somalilandba waa maamihii geesiyaashii xaq u dirirka ahaa ay dalka gudihiisa ka bilaabeen halkankii xaqa ahaa eel lala galay taliskii xasuuqa iyo dhaxal wareejinta ula badheedhay umada reer Somaliland. 

Halkankaasi ay mujaahidiintii SNM ku bilaabeen taliskii fashaq oo ahaa ka inoo horseeday geedka xorta ah ee manta aynu hadhsanayno ee aynu midhihiisiina guraynayno.  Marka hore waxaana ka codsanyaa muwaadinwalba oo akhrisanaya maqaalkan inuu joojiyo faataxadan umaro geesiyaashii, mujaahidiintii naftooda huray halgankan. 

Maanta waxaa laga joogaa 20 sanadood markii halgankaa hubaysani ka bilaabmay dalka wixii dhacayna umada wixii caqli qabay ee dalka ku sugnaa markhaati ayuu ka ahaa wixii dhacayay hadii uu halkanka ku jiray iyo haddii uu ka soo horjeedayba maahana mid ladafiri karo in umada reer Somaliland xasuuq iyo dabargoyn lagula kacay.

Ubadkii habeenkaasi dhashay maanta waa labaatan jir intooda nooli waxaana isweydiin mudan maxay ka ogyihiin wixii dalka ka dhacay ama xaladihii lala soo maray markii ay maalin wiig ama bilba ay jireen, ma ogyihiin in cadaw guryahoodii diyaaraddo iyo madaaficii ku weerayay kana qaxiyay, ma ogyihiin qaarbadan oo ka mid aha ubadkaa 20 jirsaday oo aan nasiib u yeelan inay arkaan walidkood in faqash xasuuqday mase ogyihiin guud ahaanba halgankii dib loogu xoreeyay dalkeena aynu wada jecelnahay ee Somaliland.  

Kadib markii shabkada SDWO ay ku samaysay baadhitaan dalka gudihiisa iyo dibadiisaba in dayarbadan oo u dhaxaysa 20 – 25 sandood aanay waxbadan ka ogayn halkankaas qiimaha iyo qadrinta mudnaa, 60% ayaa garanya urura SNM iyagoon ka bixin Karin tafaasil dheeri ah halgankii 70% cadawgii faqash iyo xasuuqiisii waxba kama oga waxa kaliya oo ay ogyihiin xamar doonimayno lakiin ma jirto sababa badan oo ay ku diidyaan magaalooyinkay naga dumisay iyagaa is cunaaya iwm mooyaana.  Maanta marka uu sidaa yahay wiilkii ama gabadhii halganka la dhalatay maxaynu ka filaynaa kuwa ka danbeeya. 

Hadab waxaa is weydiin leh haddii ay xukumada hada iyo kuwii ka horeeyabay ay ka gaabiyeen inay halkankaasi si lama ilaawaana u xusan dadk shacabiga ah oo ay dhibtu inta badan soo gaadhayna ma lamidbaa, maxaa sababay in jiilka dabe ee dalkan u hadhay ay uga warqabi waayaan sabaha kalifay dib ula soo noqoshada xurnimada dalka.  Haddii arinku sidan ku sii socdana oo maalinba tariikh lasii lumiyana halkankii iyo mujaahidiinta nafdooda u waayay godabaa laga galay wixii ay u dhinteena waa halbacaad lagu lisay.