Waa nin hadii damiir laawe jiro horyaalka qaaday, waa been-masheege
loo carbiyey cabudhinta dadka, inta sabab uu lahaa saqdhexe muska lagala
dhacay tiro laguma koobo.
Waatii lagu kala calaf-qaaday xeradii Birjeex mujaahidiintiina dib ugu gurteen
dhinaca woqooyi iyo galbeedka magaalada si ay dib isugu soo habeeyaan kadib
markii ay gelelefeen xeryihii dulinka.
Waatii oday saleebaan oo haweenaydiisii ilaa saakaba dhawraysay sheed
kasoo muuqday waxyar kadib haduu gurigiisii soo gaadhayba waxaa mid-mid ugusoo
ruqaasaday jiiraankii iyo karaja qaba inay warar dheeraada oo kusaabsan wixii
xalay ilaa saaka taliskii faqash iyo mujaahidiintii SNM kala qabsaday oo
dabcan lawada jeclaysanayo inuu warkiisu xaga guusha ubato,sidiibaanuu u
waramay oday saleebaan isagoo kudheeraaday wuxuu indhihiisa kusoo arkay iyo
wixii uu xogo kasoo uruuriyey dhulkii uu ilaa saaka soo dhex qaadayey.
Wuxuu hadalkiisii kubilaabay in xalay wacdaro kadhaceen gebi ahaanba
talisyadii iyo xeryihii magacyada kala duwan loola baxay ta ay kasinaayeense
ay ahayd in dadka lagu gumeeyo, lagu cabudhiyo, lagu gumaado, laguna
saqiir-suujiyo oo uu xalay isagu goob joog u ahaa qaarkamida oo markay xamili
waayeen xabadii mujaahidka cadhaysan sida awrta uyaacay qaarkalena markay
dareemeen in lagusoo maqanyahay goobihii ay ka amar-kutaaglaynjireen sii
baneeyeen iyagoon xabadba ridin kuwaasoo uu kaxusay gacankudhiiglihii
daaquudka ahaa ee gen.Morgan.Sida quruxda badan ee uu uxarakaysiinayey oday
Saleebaan sheekada waxaabaad moodaysey inuu dagaalka kaqaybqaatay;waxaananse
taa ula yaabin waa umad ay kabadatay tacadiga iyo dhibaatada ay kuhayeen
afkudhiiglayaashii dalka ka ariminayey.
Dadka oday Saleebaan sida aadka ah uga guraya waxaa hormuud u ah habar Jinaw
oo aad ujibaysan afar mujaahid oo ay dihateyna gulufka mujaahidiintu soo
qaadeen lasocdaan.
Halkaa markay botorinayso ayaa halmar dadkii meesha tubnaa wada aamuseen qaar
kamid ahina uholadeen dhaqaaq waa lays eegay dareenbaa dadkii kusoo dhexdhacay
,oday Saleebaana halmarbuu sheekadii joojiyey isagoo jeedaalo aan farxadi
kamuuqan si himbiriirsi ah isha dadka kakor lalinaya.
Ninka laga cabsaday ee laga giigay waa indha buur ,waa xiniinyaha ilaahay
qabay u adeega taliska maatalayska ah waa nin ninkuu qoonsado ay hoy unoqoto
xeryaha dhabarjebinta hangashta godka iyo meelihii kale ee loola kici jirey
ninkaan guulwade siyaad iyo noolowda badin ,waa beenmasheege aad ugu xidhan
kuwa wax halaajiya,inta miskiin uu sababtiisa ahaa habeenmadow muska lagala
dhacay een dib loo arag cidi tiro kuma hayso ,waa kuwa loo carbiyey in dadka
lagu cabudhiyo , waa nin hadii damiir-laawe jiro horyaalkeeda haysta ,waa
noocii ay kusoo baxday malaha qofkaa hebelyaale dhiigaa tuubo lagaga
nuugey,waanin aanay qaban xeer jajabka ehel tol iyo xigto toona ,waanin aan
asxaab iyo eheltoona aaminin,way caday inhadii uu wargeliyo kuwuu
wargelinjirey oo maantana qiil uhaysta inay siday doonaan utakrifalaan golahan
sharafta leh ee oday Saleebaan khudbada xiisaha leh kawado habar Jinawna
kasaxafiga tahay aan cidi kasaydhayn, markaa waa gartood inay si ay naftoodu
kaba qaadkaa aan kalxishoota lahayn iyo sharkiisa kabadbaadiyaan intii
ay kabadbaadin karaangolahana lagu kala dareero.
Waxyar kadib waxaa meelaan dheerayn kasoo baxay koox ciidama kusheegii
faqashta ah oo aad uraran hadiibana guryahaa lagu kala yaacay iyadoo hadana
intaa dhaq-dhaqaaqooda lala socdo waayo inay adiga kuusoo galaana udhow,inta
aan ka ahayn oday da ahaa oo gurigiisa kuhor weysaysanayey radio yar oo uu
bbc-da kadhegaysanayeyna agtiisa yaalo waxy toos usoo
abaareen odaygii oy waxyar kadib isasoo dul tubeen waxay weydiinayey lama
garanayo waxaanse xasuustaa in mid kamid ah faqashtii uu qaatay radio-gii
odayga ag yaaley isaguna intuu si dhibleh kusara joogsadey dhinaca kale
kula dhegey radiogii waa lays gun-gundhiyey kadib markii odagii kafuqi
waayey radio-gii wuxuu alla uma naxariistihii boobdoonka ahaa labeegsaday
odaygii birmageydada ahaa dhirbaaxo aan qof inuun dadnimo kujirtaa uquudheen
oday da,daa jooga oo uu lagagabay .Qaadan waa uu odaygii uqaadanwaayey inankan
uu awoowga labaad unoqonkaraa ula badheedhay ayuu intuu radiogii kadhuftay
gacantii go,daygii kuhaystey madaxa kasaaray,jawaabtii odayga usoo noqotayna
waxay ahayd in mid kale oo garabtaagnaa tacshiirad kugembiyo,horena
socodkoodii isaga sii wataan sidiiyoon waxbaba dhicin ,wuxuu ahaa oday
todobaatanka kor udhaafay oo goblan ah ehelo badan oo soo booqan jirteyna
maxasuusto intaan garanayo.
Isla habeenimadaas waxaa gurigayagii soo garaacay kuwo kale iyagoo aad
uraagsanaya inta albaabka laga furayo wadnahaa afka nayimi naxdinbaa nagu
bahardaadsatey yaase dan kaaleh wixii ay heli karayeen ayay hore uqaateen
intii ay guriga baadhanayeena waxaa nagu socotey hanjabaad goodi caga juglayn ,waxay
nagusoo ururiyeen qolkii fadhiga oo mid kamida loo xilsaaray inuu qori nala
dultaagnaado halka afarkalena gurigii xaga kale urogeen,waxaan weli lasii
yaabaa waxa wadankaas ciidan- kusheeg u ahaa ee anagoo waagaa caruur ahayn
kanoogu weynina 13 jir ahaa qori nalagu hayo iyadoo waxayagiina xoog lagu
qaadanayo kaasaanuu ahaa caqliqii 20 sanadood dalkii wixii la odhan jirey
Somalia lagu maamulayey .
Habeenkaasi wuxuu ahaa mid aad ucabsi badan sanqadhii baxdaba waanu sasayney
ilaa waagu daalacayna il iyo baal isumaanu keenin in kastoo bililiqaysiga iyo
baadhashadu aanay habeen iyo maalintoona kala lahayn hadana caruurnimadaa
malaa koley cabsi dheeraada habeenkii iska leh kuwanina waxay nagu noqdeen
cirfiido iyo waxyaalihii nalagu cabsiin jirey oo nagu rumoobey galabtii dambe
waxaa qori baasuuke ah laqabadsiiyey makhaayad aan aad nooga durugsanayn oo
dad aan yarayni kujireen oon qof kabixin waxa keliya ee sebenka loo
qabadsiiyeyna uu ahaa in laba dhalinyaro ah oo meel taagnaa ucarareen xageeda
markay arkreen koox faqasha oo kusoo socota.
Dhiiladii way sii cuslaatay meydadkana waxaa lagu aasaa daaradaha guryaha
waxaa dadkii go,aansadeen inaan fadhi dambe sii ool ee lagaboxo xaafadan oo
loo wareego dhanka SNMtu haysato iley koley waa inoo dhimashee wixii aan jidka
dhexe laga helin inta badan iyo baaqigaa hadhi.
waxaa kasoo min-guuriyey md.mj.hersi osman sxb-da safka-hore /Somalilandpatriots.com
la soco qaybaha dambe ee "intii la i gumayn lahaa geeri baan ka door
biday" oo uu inoo werinayo Mj. (Xiimaaye)
Waxaa ka soo min-guuriyey Hersi Osman/Somalilandpatriots.com
M
