SM
SDWO

Somaliland Democracy Watch Organisation

To Promote Democracy In Somaliland


Contact us

Qaar Ka Mid Ah Qurbojooga Somaliland Ee Australia Iyo Danmark Oo Deeq Lacageed SDWO Relief Projects Ugu Soo Hagaajiyey Qoyskii Ka Koobnaa 8da Qof Ee Wada Curyaamiinta Ahaa

Your Banner

BARR AMA BARRO TAARIIKHDII CADAADISKII SHACBIGA SOMALILAND

   

 

 

 

Daawo Madarasada Agoomaha Hargeysa si aad u caawisid

 

Hargiesa 2007

British P.Minster

Welcome Party

Hargeisa Univ

Hargiesa 2006

S/Land-Aljezera

 

 

 

 

 

 

 

 

Hargeysa (SDWO 09/01/09) - Xayaad Cawad oo ka mid ah qurbojooga Somaliland ee ku nool dalka Australia ayaa na soo gaadhsiisay deeq lacageed oo $720 dollar la gudoonsiiyey reerkan dhibaataysan oo ay ku deeqeen jaaliyada Australia, halka Shugri iyo Saado oo degan dalka Danmark ay na soo gaadhsiyeen deeq lacageed oo $659 dollar la guudsiiyey reerkan oo ay ku deeqeen qaar ka mid ah jaaliyada Danmark. Qoyska curyaamiinta ah ayaa waxa soo gaadhaya lacago kala duwan oo ka imanaya jaaliyadaha ku dhaqan dibadaha tan iyo intii SDWO ay soo bandhigeen baaqii sawirada iyo qaylodhaanka ahaa. lacagta maan aan gudoonsiinay qoyskan ayaa dhan £1379

Shiine - Wakiilka SDWO.COM oo gudoonsiinaya aabo Yusuf Jaamac  


Gudoomiyaha SDWO.COM Mr Guled Cabdi Shaakhaash oo ka hadlayey arimahan samafalka ah ee ay waday SDWO Relief Project oo ah laan samafal oo ka tirsan shebekda wararka ee SDWO.COM ayaa yidhi tan iyo  bishii Novermber ee 2008 ee SDWO uu qurbojooga u soo bandhigay sawirada 8da caruurta ah ee walaalaha ah ee wada curyaamiinta ah, oo aabahood oo da,a  ahina la daaladhacayey, maadama ay hooyadood dhimatay ayaa qurbojoog badani ay aad uga damqadeen oo caawimo dhaqaale iska soo ururiyeen kuna soo hagaajiyeen SDWO Relief Projects lacag dhan guud ahaan $3403 oo reerkan la gudoonsiiyey. 

  

Tan iyo bishii Ramadaan ee ay bilaabantay qaylodhaanta SDWO wadarta guud ee naga soo gaadhay qurbojooga ku kala nool, London, Manchester, Paris, Holland, Finland, Denmark iyo Australia waxa ay dhantahay $4643.  Goobaha aan horey deeqaha u gaadhsiinay waxa ka mid ah xaafada State house kii hore ee Hargeysa, oo bishii ramdaana 10 qoys aan raashin u qaybinay, laba jeerna deeq lacageed aan gaadhsiinay qoys caruurtoodii markay gaajo uga baqeen ku yaboohay inay qofkii korson kara siinayaan.  Dhinaca xaafada dhaamka Daami ee dadka danyarta ahi ku noolyahiin ayaan iyagana u dhisnay laba suuli iyo 10 qoys oo aan raashin u qaybinay.

 

Aabbaha Qoyska Yusuf Jaamac Cismaan oo markii aan lacagta Gudoonsiyay faraxad iyo Mahad naq nagala  horyimid ayaa dhamaan duco u diray dadkii badnaa ee deeqahu ka soo gaadheen waxaanu yidhi” maanta halkan waxaan uga ducaynayaa hablahaas kaalmada nooga soo diray Australia iyo Danmark ee Shugri, Saado iyo Xayaad, waxaan ugu ducaynayaa oo aan leeyahay sirta ilaahay u qarsoon rasuul iyo nebitoona aanu siin ilaahay iyaga if iyo aakhiraba ha siiyo, Duco ka weyn oo aan u duceeyo aakhiro iyo aduunkaba calooshaa u ducaynaysa, oo dadnimadaa u ducaynaysa oo intaas oo wada laxaad la,a ayaa u ducaynaysa, ilaahay waxsan ha ugu bedelo aakhiro iyo aduunkaba, cidhibtooda aakhiro iyo aduunyaba ilaahay ha wanaajio, wax xunba ilaahay ma tuso aakhiro iyo aduunkaba, aakhirana janada ha ku waareen, ifkana nimco ha ku waareen.

Waxa iyaguna goobtaas ka hadlay oo xaalkooda ka waramay qaar ka mid ah hablaha iyo inamada curyaamiinta ah, oo iftiimiyey dhibta haysata iyo nolashoodu sida ay u adagtahay oo qaarkood aanay xataa suuliga tegi karin, halka qaarkoodna ay gurguurtaan, qaarkoodna la qaado oo la geeyo.

Geesta kale Aaabaha Qoyskan Yusuf Jaamac Cismaan oo ay wejigiisa faraxadi ka muuqato ayaa dhamaan duco u diray Dhamaan Bahda SDWO .COM Meelkasta oo ay jooganba.

Waxa iyagana munaasibadan goobjoog ka ahaa Tv yada TVga Qaranka iyo Raad TV.


Gebogebadii Wakiilka SDWO ee Hargeysa Shiine Cilmi Kaahin ayaa qurbojooga ugu baaqay inay dadkooda danyarta ah u soo gargaaraan oo aan wax weyn uga baahnayn ee  sadaqada $5ta doolar ee aad iska soo ururisaan ay wax weyn ka bedelayso nolosha dad dhibaataysan, idinkana duco, naxariis eebo iyo denbi dhaaf aad kaga helaysaan.   waxaanu yidhi  “waxaan ku soo gebogebaynayaa halku dhiga SDWO Relief Projects ee ah Daawanayoow waa Dadkaagii, Daawanayoow waa Dalkaagii.

La soo xidhiidh samafal@sdwo.com or Guled@sdwo.com

Shiine Cilmi Kaahin – SDWO News Desk – Hargeysa

sirshiine@yahoo.com

  
USEFUL LINKS  Fatherhood     6 Serious Medical Symptoms      7 Silent Medical Conditions   Blood Pressure@Work    Malaria- Kaneecada  Daily Health Advice   Khat Report    Sports     Depression is increase in Somalis     History of  Somaliland      UK Immigrations - Somalia       Diabetes -Health      Somali & East  African Music   UK Entery Visa       Money  Computer      Quran Download     English football - Premiership          American Green Card    Crime          The Mad Mullah who shamed us in Somaliland Ramadan 

 

SOMALILAND DEMOCRACY WATCH ORGANISTION - NEWS PAGE