SDWO (Hargeisa 09/10/2011) Haayada Samafalka ee SDWO (SDWO Relief Project) oo kamid ah haayadaha wadaniga ah ee sida tooska ah uuga hawlgala Somaliland isla markaasna saldhigeedu yahay carigaasi ingiriiska ayaa maanta markii labaad u qeybisay deeq raashin ah qaar kamid ah danyarta degan xaafada State House ka ee magaalada Hargeisa. Deeqdan ayaa ka mid ahayd deeq gargaar ah oo SDWO ka soo gaadhay Muslimiinta ku nool dalka Faransiiska.
Deeqdan raashinka ah oo isugu jirta Bariis, Daqiiq, Sonkor iyo Saliid, ayaa waxay qeybinteedu ka dhacday xarunta dhexe ee Ururka Horumarinta dhalinyarada somaliland (Hyda) qeybinta deeqdan ayaa waxaa goobjoog ka ahaa masuuliyiinta ururka Hyda, maamulka xaafada, wakiilada sdwo ee somaliland, saraakii ka socotey dawlada, iyo sidoo kale G/xigeenka xuquuqul insanka qaranka somaliland.
Haddaba waxaa ugu horeyntiiba madasha ka hadlay Agaasimaha Ururka Hyda Mr. Khaalid Aadan Cabdi jaylani waxaanu aad iyo aad ugu mahadnaqey Haayad sdwo oo uu ku tilaamey mid hormuud ugu ah ururada dalka dhinaca samafalka waxaanu si gaar ah amaan uugu soo jeediyey Gudoomiyaha haayada sdwo Guled Cabdi Sheekhaash iyo dhamaan umada islaamka ah ee ku soo deeqday raashinka mucaawimada ah.
Dhinaca kale waxaa isaguna madasha ka hadley G/xigeenka Komishanka Xuquuqul insha Qaranka Somailland Mudane: liban Ismael Max,ud waxaanu ku nuuxnuuxsaday waxqabadka sdwo ee bulshada somaliland isaga oo sheegay inuu aqoon dheer oo buuxda u leeyahay maamulka haayada sdwo kana dharagsan yahay waxqabadkeeda dhinaca samafalka dadka danyarta ah ee reer somaliland, Liban ayaa dhinaca kale sheegay iney wada shaqeyn fiican ka dhaxeyso sdwo iyo komishanka xuquuqul insanka qaranka maanta uu ku faraxsan yahay inuu markii labaad kala soo qeybgalo qeybinta raashinka dadka danyarta ah isagoo yidhi mashruucan wajigiisii kowaad waxaa laga fuliyey xaafada daami kana waa kii labaad.
Xassan Max,ed Abdalle oo ku magac dheer xassan waraabe cade oo isna dhinaciisa ka hadlay madasha isla markaana ah wakiilka swdo ee somailand ayaa waxaa uu sheegay fariin uu ka siday gudoomiyahooda Mudane: Guiled Abdi Sheikh taas oo isugu jirtay mahadnaq iyo dardaaran ku socda bulshada Islaamka, xassan ayaa waxaa uu isna u mahadnaqay ururka dhalinyarada ee Hyda oo iyagu xilgaar ah iska saaray soo ururinta dadka danyarta ah ee raashinka loo qeybinayey isagoo yidhi waa wajigii labaad ee mashruuca.
Max,ed Hussein Dhabeeye oo isna kamid ah hormuudka ugu cad cad dhalinyarada somaliland xoogna ugu ololeeya arimaha samafalka iyo dhinaca ciyaaraha ayaa waxaa uu isna dhinaciisa mahadnaq u soo jeediyey dhamaan maamulka sdwo gaar ahaan gudoomiyahooda Guled oo uu ku tilmaamey shaqsi waxqabad fiican leh.
ugu danbeyntiina waxaa la gudo galey qeybinta raashinka iyadoo si rabash la,aan ah loogu qeybiyey dadkii tabaaleysnaa waxaanad maqlaysay erayo duco iyo dardaaran leh oo ka imanaayey dhinaca dadka raashinka la siiyey iyagoo sare uugu dhawaaqayey Guuleyso Guuleedow Jannada Allena gal Guuleedow.
Jawiga qeybinta raashinka ayaa ku dhamaaday jawi fiicnaan iyo farxad leh,
Barkhad Jama Hirsi
Hadaad rabtid inaad caawimo ka geeysatid oo bangiga aakhiro wax sii dhigato nagala soo xidhiidh samafal@sdwo.com ama guled@sdwo.com
Guled Abdi Sheekhaash - SDWO Chief News Editor
M
