SM
SDWO

Somaliland Democracy Watch Organisation

To Promote Democracy In Somaliland


Contact us

SDWO Relief Projects ayaa deeq kaalmo $746 doolar oo jaaliyada Manchester ee ingiriisku soo dirtay gudoonsiisay aabahii haystay 8da caruurta ah ee dhamantood curyaamiinta ahaa

Your Banner

BARR AMA BARRO TAARIIKHDII CADAADISKII SHACBIGA SOMALILAND

   

 

 

 

Hargiesa 2007

British P.Minster

Welcome Party

Hargeisa Univ

Hargiesa 2006

S/Land-Aljezera

 

 

 

 

 

 

 

 

Hargeysa (SDWO 26/12/08) Tan iyo bishii November ee sanadkan 2008 ee baaqa qaylo-dhaanta ah SDWO qaybteeda samafalku (SDWO Relief Projects) ay dadweynaha reer Somaliland u soo bandhigtay qoys ka kooban 8 qof oo dhammaantood naafo ah marka laga reebo aabaha carruurtaas oo isaguna da' ah, si loo caawiyo, ayaa mar labaadkii shabakadda SDWO dad qurbo-joog reer Somaliland ahi u soo mariyeen caawimo lacageed, inkasta oo ay jiraan caawimooyin kale oo qoyskan loogu soo deeqay.

Shiine oo gudoonsiinaya $746 Aabo Yusuf Jaamac Cismaan

Deeq lacageedkan oo ka timi Jaaliyadda reer Somaliland ee degan magaalada Manchester ee dalka Ingiriiska iyo weliba dad reer soomaaliya ah, taas oo qiimaheedu dhan yahay $746 (dollarka Maraykanka), ayaa maanta aabaha qoyskan Yuusuf Jaamac Cismaan uu guddoonsiiyey Wakiilka Hargeysa ee SDWO Mr. Shiine Cilmi Kaahin, waxaana lacagtaas na soo gaadhsiiyey Mr. Cabdi Sulaymaan Mingiste oo ka mid ah jaaliyada Somaliland ee ku dhaqan magaaladaas.  

Maaha markii u horeysay ee SDWO ay kaalmo gaadhsiiyaan qoyska dhibaataysan ee wada curyaamiinta ah, reerkan ayaan hore u gudoonsiinay bishii la soo dhaafay ee November lacag dhan $1230 doolar oo naga soo kala gaadhay jaaliyadaha Somaliland ee Waqooyiga London, Hay,ada African Development Trust ee Manchester, France, Holland iyo Finland. Click garee halkan warbixintaas hore - Wakiilka SDWO ee Hargeysa oo $1230 Dollar Gudoonsiiyey Reerkii Ka Koobnaa 8 Da Qof Ee Curyaamiinta Wada Ahaa + Sawiro

Aabaha qoyska Yuusuf Jaamac Cismaan ayaa si weyn ugu mahadnaqay cid kasta oo ka qaybqaadatay taakulaynta qoyskiisa dhiban, waxaannu sheegay in ay hadda aad uga wanaagsan yihiin sidii hore.

Aabe Yusuf oo dhex fadhiya caruurtiisa wada dhibaataysan

Isaga oo mahadnaqiisa iyo duco u diray dadkii soo caawiyey iyo cid kasta oo ka qaybqaadatay waxa uu yidhi; "Marka hore Ilaahay baa mahad leh, waxaan u mahad-naqayaa dadka Islaamka ah ee sideedda qof ee iga laxaad la' ee aan aniguna aanan waxba tari Karin oo aan da' ahay. Rabbiga Carshiga iyo Kursiga sameeyay ee Rasuulkii Muxammed ahaa xaq ku soo diray, wax san iyo khayr in uu ugu bedelo oo uu Naarta kaga xoreeyo, Jannada ugu mannaysto ayaan u baryayaa oo aan u waydiinayaa. Waa sahay ay sii hor-marsadeen oo ay sii qaateen, anigana Dhibaato ayay iga fujiyeen iyo baahi wayn oo na haysay. Waxaan mar kale idiin mahad-naqayaa damqashada Islaamnimo ee aad iigu soo naxariisateen, Ilaahay naxariistii Janno ha idin siiyo. Ilaahay ha idinka abaal-mariyo oo labada Daarood ee adduunyo iyo Aakhiraba ha idiin wanaajiyo, Ilaahay Ubadka idinkama xumeeyo, Ilaahay Qoysaska idinkama xumeeyo, adduunyada Nimco ha idinku mannaysto, aakhirana Janno ha idin siiyo." Sida waxa yidhi Aabbaha Qoyska oo markii aan lacagta Gudoonsiyay farax iyo Mahad naq nagala horyimid.

Aabe Yusuf Jaamac Cismaan waxa uu noo sheegay in uu caruurtan keli ku yahay oo aanu haysan cidkale oo la gacanqabta iyadoo hooyadoodna ay dhimatay ilaahay ha u naxariistee. 

Gudoomiyaha SDWO Guuleed Cabdi Sheekhaash ayaa sheegay in tan iyo intii SDWO Relief Projects ay bilaabantay bishii Septmeber ee sanadkan 2008 ay isugeynta deeqaha qurbajoogu ku soo hagaajiyeen SDWO ay tahay $3216. Dhinaca kalana wuxuu ilaahay uga beryey dhamaan dadkii ka qaybqaatay taakulaynta dadkaas deeqahaasi gaadheen inuu if iyo aakhiraba ugu naxariisto, intaan weli ka qaybqaadan qalbigooga naxariis uu geliyo kana qaybqaataan sadaqooyinka aakhiro la sii hor marsanayo.  Isagoo dadka muslinka ah ee dhibaataysana meel kasto oo ay joogaanba ilahay uga beryey inuu dhibta ka dulqaado, maadama gacan binu aadmi aanay waxba ka tarikarin.

Hadii aad rabtid inaad ka qaybqaadatid deeqaha la soo mariyo SDWO, please email noo soo dir Guled@SDWO.COM

 
Shiine Cilmi Kaahin - SDWO News Hargeysa

 
USEFUL LINKS  Fatherhood     6 Serious Medical Symptoms      7 Silent Medical Conditions   Blood Pressure@Work    Malaria- Kaneecada  Daily Health Advice   Khat Report    Sports     Depression is increase in Somalis     History of  Somaliland      UK Immigrations - Somalia       Diabetes -Health      Somali & East  African Music   UK Entery Visa       Money  Computer      Quran Download     English football - Premiership          American Green Card    Crime          The Mad Mullah who shamed us in Somaliland Ramadan 

 

SOMALILAND DEMOCRACY WATCH ORGANISTION - NEWS PAGE