BERN,Xidhiidhka Kubada Cagta ee Aduunka ee FIFA ayaa u doortay dhex dhexaadinta kulanka kama danbeesta ah ee koobka Aduunyada garsooraha u dhashay Wadanka Ingriiska ee lagu magacaabo Howard Webb.
Photo:Dream team: Howard Webb (centre) and assistants Michael Mullarkey (left), Darren Cann (right) will take charge of Sunday's World Cup final]
38-jirkaasi ayaa qaban doono kulanka adag ee maalinta Axad ah dhex mari doono labada wadan ee Spain iyo Holland kaasi oo ka dhici doono garoon weyn ee lagu magacaabo Soccer City Stadium ee magaalada Johannesburg ee Wadankaasi South Africa.
Webb ayaa ka mid ah xiligaan garsoorayaasha ugu adag ee caalamka laguna aamini karo ciyaaraha adag wuxuuna sidoo kale sanadkan dhex dhexaadiya kulankii finaalka Champion league ee dhex maray Kooxaha Inter iyo Bayern Munich ee ka dhacay magaalada Madrid.
Howard Webb ayaa noqonaya Garsoorihii ugu Horeeyay ee Wadanka England ka socda ee dhex dhexaadiyo ciyaar finaalka koobka aduunka Kadib Jack Taylor oo isagu qabtay sanadkii 1974 .
Garsoore Webb ayaa Hore waxa uu u soo dhex dhexaadiyay 3 kulan oo ka tirsan koobka aduunka ee sanadkaan kuwaasi oo kala ahaa (Spain v Switzerland, Italy v Slovakia and Brazil v Chile) oo uu dhamaan si degan u garsooray.
Dhanke kale Garsoorahaan ayaa waxa uu sidoo kale soo dhex dhexaadiyay ilaa iyo 300 Premier League games, iyo weliba 48 kulan oo ka tirsan tartamada kala duwan ee qaarada yurub.
Shiine Cilmi Kaahin - Hargeysa
sirshiine@yahoo.com
Xulka Spain Oo Caawa Finalka Koobka Aduunka u Soo Baxay iyo Germany oo diyaaradda la saaray
SDWO (DURBAN, South Africa 07/07/2010) Xulka Kubada Cagta ee Dalka Spain ayaa Caawa markii ugu horreysay u soo baxay Finalka Koobka Aduunka ee ka Socoda Dalka South Africa,Spain ayaa 1-0 kaga badisay Germany ciyaartoodii Semi Finalka ee koobka aduunka.
Xiddiga Puyol ayaa ahaa geesigii ciyaarta isagoo gool qurxux badan oo madaxa ku dhaliyay goolka qudha ee Spain guusha ku raacday daqiiqadi 73-aad ee qeybta labaad ee ciyaarta.
Xulka Germany waxay isku dayday inay keento goolkaasi, hase yeeshee way u suurtoobi weyday.
Qaranka Germany ayaa loo diray gurigooda kadib markii ay guulo waaweyn kasoo gaadhay wadamada Argentina iyo England.
Spain ayaa ah Horiyaalka yurub kadib markii ay ku guuleesteen koobka qaramada yurub 2 sano ka hor, hadana waxa ay doonayaan inay noqdaan Horiyaalka aduunka waxaana taas ka hortaagan Holland oo ciyaar kala bax ah ay dhex mari doonto labada Xulba 11-ka July 2010.
Markii ugu horeysay ee Spain ay ciyaaraha Adduunka meel fiican ka soo gaadho, waxay ahayd 1950-kii, markaasoo lagu reebay Semifinalka.
By : Shiine Cilmi Kaahin – Hargeysa
sirshiine@yahoo.com
Holland 32 Sano ka dib U Gudubtay final-ka Ciyaaraha Koobka Aduunka ee Ka Socoda Dalka South Africa
SDWO (CAPE TOWN, South Africa, 06/07/2010) Xulka qaranka ee Netherlands ayaa Caawa u soo baxay ciyaarta final-ka ee koobka aduunka 2010-ka ee ka socda dalka South Africa iyagoo 3 iyo 2 uga guuleystay xulka qaranka ee Uruguay ciyaartii samifinaalka ee caawa ka dhacday magaalada Cape Town.
Goolkii ugu horeeyey oo uu ansixiyey Giovanni van Bronckhorst ayaa dhashay daqiiqadii 18-naad, iyadoo uu masaafo fog ka toogtay shabaga Uruguay.
Diego Forlan ayaa goolkii barbardhaca u dhaliyey Xulkiisa Uruguay daqiiqadii 41-aad laakiin Holland oo dib isku soo xoojiyey ayaa keenay gool 2aad iyadoo uu ansixiyey Xiddiga Wesley Sneider, daqiiqadii 25naad ee qeybtii dambe ee ciyaarta.
Saddex daqiiqo ka dib ayaa laacibka Arjen Robben waxa Gool qurxud badan uu madax ku dhaliyey goolkii 3aad oo ay ciyaarta markaa ku hogaaminayeen 3 iyo 1.
Maximiliano Pereira oo u ciyaara Uruguay ayaa gool 2aad u dhaliyey kooxdisa oo rajo ay markaa soo yara gashay.
Laakiin weerar badan oo ay sameeyeen Uruguay uma suurtagelin, iyadoo kooxda Oranje ee Holland ay difaac xoog leh galeen iyadoo sidaana ciyaarta ay ku dhamaatay.
Netherlands ayaa sidaa ugu soo baxday Final Koobka Adduunka iyadoo Axada Todobaadka Danbe la ciyaari doonta hadba kooxdii badisa kooxaha Spain iyo Germany oo beri wada ciyaari doona.
Taarikhada Wadanka Holland ee Ciyaaraha Adduunka ayaa hada ah markii 3aad u soo baxday, iyadoo 2 jeer oo hore u soo baxday, waxay sanadkii 1974-kii la ciyaartay Germany oo reebay iyo sanadkii 1978-kii oo ay la ciyaartay Argentina.
By : Shiine Cilmi Kaahin – Hargeysa
sirshiine@yahoo.com
Guled Abdi Sheekhaash - SDWO News Edito
Xulka kubada cagta ee jarmalka Oo Galabta Kabaha La Dulmaray Xulkii Taageerayaasha Badnaa ee Argentina
SDWO (JOHANNESBURG 03/07/2010) - Xulka kubada cagta ee Jarmalka ayaa Galabta afka ciida u geliyay xulka Kuabda Cagta ee dalka Argentina oo sanadkan u soo xaman qadtay sidii ay ugu guulaysan lahaayeen koobka aduunka ee baryahanba si xiiso badan uga socday Koonfur Afrika.
Qeybtii hore ee ciyaarta ayaa daqiiqadii 2 – aad gool qurux badan laga dhaliyay Xulka Argentina hase yeeshee dadaal dheeraad ah markay la yimaadaan Argentina waxay isku dayday inaay iska soo magaan balse way loodin kari waayeen difaacii Xulka Germany, qeybii hore ee Ciyaarta waxa lagu kala nastay 1 – 0 ay ku hogaaminayso Xulka Germany.
Markii la isu soo laabtay qaybtii danbe ee ciyaarta ayaa Germany waxay difaacanaysay goolkooda waxana mudo 20 daqiiqo ah Germany ay iska difaacaysay weerarada Argentina hase yeeshee wixii daqiiqadii 68 – aad waxaa Argentina la waayey meel aay jaan iyo cidhib dhigeen.
Isla qaybtii danbe Goolasha waa ay iska sii wadeen Tababaraha Xulka Argentina Maradona ciyaarta waxba kama badalin oo sidii ay kusoo galeen ayaa Aguero uun uu dib kasoo galiyey waxaana masuuliyada guuldarada yeelan kara tababarahooda oo kursiga keydka ku haya ciyaaryahano cajiib ah kuna fiican gool dhalinta.
Gaba gabadii ayaa sedex gool oo Xidhiidha ah laga dhaliyey Xulka Argentina oo sidaasi lagu quusiyey lana marsiiyey wadadii ay mareen Xulalkii England iyo Brazil waxaana ay kusoo idlaatay 4 – 0 .ay Guushu ku raacday Xulka Germany.
Goolasha waxaa kala dhaliyey goolkii hore Müller, laba gool Klose, halka goolka afraad uu dhaliyey difaaca A. Friedrich.
Ciyaartan oo ay daawashadeeda ka soo qayb galeen taageerayaal aad u tiro badan oo kala socday labadan dal ayaa waxa iyaduna ay daawanaysay ra’isal wasaaraha dalka Jarmalka Miss. Angela oo iyaduna intii hore wadnaha farta ku haysay, balse markii dambe ee ay aragtay in xulka dalkeeduu uu awood badan yahay kolba sare uga kacaysay kursigii ay ku fadhiday.
2010 FIFA World Cup™: Quarter-finals
Argentina 0 : 4 Germany - Highlights
Uruguay 1 (4) : 1 (2) Ghana - Highlights
Netherlands 2 : 1 Brazil - Highlights
Paraguay 0- 1 Spain
La Soco Ciyaaraha Danbe ee Koobka Adduunka…
Shiine Cilmi Kaahin – Hargeysa
Sirshiine@yahoo.com
Xiddigaha Holland oo Dhulka jiiday Brazil Oo Markii Lixaad isku Diyaarisay Koobka Adduunka iyo Rajadii Africa ee Semi-finalka Oo dhammaatay
PORT ELIZABETH, South Africa (AP)— Xulka kubada cagta Holland ayaa galabta dhulka dhigay xulka kubada cagta Brazil oo ay iyagu sanadkii lixaad u tartamayay hanashada koobka aduunka.
Labada Xul oo ku kulmay Wareega sideedaad ayaa ciyaar aad u xiiso badani ay ku dhex martay garoonka kubada cagta ee Soccer City Stadium, oo ku yaala magaalada PORT ELIZABETH ee dalka South Africa.
Xiddiga Wesley Sneijder oo laba gool ka dhaliyey Xulka Brazil ayaa hadh cad oo Cadeedu soo jeedo ka huleeley dalka South Afrika.
Xulka Brazil waxay soo bandhigeen 45 – tii daqiiqo ee ugu horeyay ciyaar dadkii daawanayey ay ku saadaliyeen inayba iyada ku badin doonto goolal tiro badan, hase yeeshee waxay heleen gool qudha kaasoo u dhaliyey daqiiqadii 10 – aad Xiddiga reer Manchester City ee Robinho.
Holland ayaa si wanaagsan isaga difaacday qeybtii hore ee ciyaarta weerarada Xulka Brazil waxayna mar waliba isku dayayeen inaay weerar qaadaan hase yeeshee inaay difaacaan goolkooda iyo inaay weerar qaadaan iskuma aysan keenin oo 45 – tii daqiiqo ee hore waxay kusoo idlaatay 1 – 0.
Tababarayaasha iyo kaaliyeyaashooda markii ay ulaabteen oo koox waliba ay lasoo hadashay ciyaartooydooda ayaa garsoorihii wuxuu mar kale isugu yeedhay qaybtii danbe ee ciyaarta waxaana durba min biloow ilaa dhamaad hogaanka iyo ciyaartaba la wareegay Xulka Holland.
Kubbad uusoo karoosay Xiddiga Sneijder ayaa madaxa ku taabtay ciyaaryahan Melo kaasoo goolhayihiina la waayey gacanta shabagana gashay ciyaarta ayaa noqotay 1 – 1, daqiiqadii 63 – aad ayaa misana Robben oo karoos ka soo qaaday koonaha waxa madaxa kusii salaxay Kuyt, waxaase ka faa’ideystay Markale Sneijder oo madaxa ku dhaliyey goolkoodii labaad ee guusha.
Xiddiga reer Holland ee Arjen Robben ayay Xiddiga Brazil iska celin kari waayen oo waxaa kaarka Cas ku qaatay oo si aan ciyaarta ku jirin ula dhaqmay ciyaaryahan Fillipo Melo oo Kooxda Juventus u ciyaara.
Kubbad kastaa oo Robbin lugta usoo gashaa dhulka ayaa la dhigayay waxaana isku badashay laba ciyaaryahan hase yeeshee inta ay ku mashquulsanayeen Robbin waxa ka faa’ideeystay Mashiinka Holland ee Sneijder.
Haddaba Ciyaarta ayaa ku dhamaadtay 2-1 ay guushu ku raacday Xiddigaha reer Holland.
Holland waxay u gudubtay Semi-Finalka waxayna la Ciyaari doonta Uruguay.
Geesta kale Ciyaar Xulalka Ghana iyo Uruguay waxay ahayd tii ugu xiisaha badneyd tan iyo intii ay bilowdeen ciyaaraha koobka Adduunka.
Goolka waxaa ku hormartay Xulka Ghana qeybtii hore ee ciyaarta, waxaana u dhaliyay Xiddiga Sulley Montari.
Hase yeeshee Waxaa Xulka Chana la bareejeeyay qeybtii labaad ee ciyaarta. waqtigii caadiga ahaa ee 90-ka daqiiqo labada dhinac wey ismari waayeen. laakiin Ghana ayaa qarka u saarantay inay u soo baxdo ciyaarta semifanalka ka dib markii rigoore laga dhigay Uruguay.
Balse Ghana way ka faa'ideysan weyday ka dib markii uu Gyan oo laaday rigooraha uu birta sare ku dhuftay.
Rigoorihii caadiga ahaa ee lagu kala baxayeyna Ghana waxaa laga qabtay labo gool, Uruguay mid ayay khasaarisay inta kalena way dhalisay sidaasi ayayna ku badisay. Ciyaar wanaaga marka la eego Ghana ayaa hogaanka u heysay.
Shiine Cilmi Kaahin – Hargeysa
sirshiin@yahoo.com
Germany Oo Sii Sabootiday Ingiriiska Iyo Argentina oo Macasalaamaysay
Mexico kuna fool leh Germany
BLOEMFONTEIN, South Africa- Tababare Fabio Capello iyo ciyaartooydiisa wax matarayaasha ah ayaa ka Dhoofi doona beri dalka South Afrika ka dib markii ay Caawa ku guuldaraysteen xitaa inaay ciyaar wanaagsan soo bandhigaan waxaana ciyaartii maanta ay Germany la ciyaareen ka raacay Jab iyo ceeb.
Wayn Rooney iyo saaxiibadiis kula jira Xulka Ingiriiska ayaanan soo bandhigan ciyaar lagu qanco iyadoo Rooney oo ah xidig ay ku dhaartaan dalkaasi uusan xitaa mar qura sigin goolka ciyaarihii uu saftay xulkiisa wuxuuna ka tagi doonaa Koonfur Afrika isagoo gool la’aan ah.
Germany ayaa laba gool oo Xidhiidha ah kaga hormartay xidigaha Ingiriiska daqiiqadihii 24 – aad iyo 30 – aad waxaana goolasha ukala dhaliyey Germany Ciyaarayahanada kala ah Klose iyo L. Podolski, dadaal yar oo ay sameeyeen Ingiriiska ayaa keensaday gool kaasoo uu udhaliyey ciyaaryahanka daafaca ugu ciyaara ee Upset.
Ingiriiska waxaa laga diiday kubad uu laaday ciyaaryahan Lampard aasoo shuudkii uu ganay birta ku dhacday goolkana gashay hase yeeshee dib ugu soo baxday taasoo garsooraha arki kari waayey ciyaartiina dib
isaga socotay.
Markii dib la isugu soo laabtay ayaa markale ingiriiska laga dhaliyey laba gool oo kale ka dib markii ay isku dayeen xulka Ingiriiska inaay goolal dhaliyaan waxaana laga faa’ideysanayey weeraradooda waxaana
gabi ahaan laga haystay qeybta dhexe.
Goolasha 3 – aad iyo 4 – aad waxaa kawada dhaliyey T. Müller oo lambarka 13 –aad u sita xulka Germany, sidaasina waxaay kusii joogi doonaan Johannesburg waxayna la ciyaari doonaan Argentina.
Xulka Ingiriiska oo ciyaaray ilaa Afar kulan ayaa laba barbaro galay halna badiyey halna laga badiyey iyadoo sidii laga filayey aanan soo bandhigin waxaana cad in Fabio Capello uu iska casili doono xilka uu hayo maadaama u ku guuldaraystay in gaadhsiiyo meel Fiican.
Geesta kale Xulka Argentina ayaa dhagaha ka tuntay Xulka Kubadda Cagta ee Mexico oo kasoo jeeda qaarada Amerika, taasoo ku kalifaysa inaay saaxiibadood Mareykanka ee shalay laga badiyey ay iska sii weheshadaan
saacadaha badan ee safarkooda ay diyaaradooda hawada kusii jiri doonto.
Argentina ayaa laba gool ka dhalisay qeybtii hore ciyaarta waxaana goolasha kakala dhaliyey daqiiqadihii 26 – aad iyo 33 – aad Teves iyo Higuain iyadoo goolkii hore uu shaki galiyey taageerayaasha Mexico ka gadaal markii Teves oo offside ku jira uu madaxa ku dhaliyey.
Si kastaba ha ahaatee Tevez ayaa markale usadaxeeyey xulkiisa gool aad uqurux badnaa kaasoo uu kalaaday meel 30 mitir u jirta goolka darbadiisuna ahayd mid xoog badan oo ka dul baxday goolhayaha.
Manager ka Argentina = Maradona
Mexico oo dadaal yar samaysay ayaa heshay goolkoodii ugu horeeyey waxaana u saxiixay ciyaaryahanka ay Manchester United soo calmatay ee J. Hernandez kaasoo baryahanba goolal u dhalinayay Xulkiisa.
Diego Armanda Maradona ayaa badal kusoo galiyey ciyaaryahankiisa qibrada badan leh ee Veron isagoo ku badalay Tevez si uu u caawiyo Messi iyo Macherano oo dhexda ka ciyaarayay una difaacaan sedexda
gool.
Daqiiqadii ugu danbaysay ayaa L. Messi ciyaaryahanka qatarta ah reer Argentina waxa uu laad kulul ku tuuray goolka Mexico hase yeeshee goolhayaha Khabiirka ah ee Mexico ka diiday inuu gool afraad ka dasho.
Argentina ayaa Mexico ku macasalaamaysay 3 – 1 iyadoo kulankan kan xiga ay is arki doonaan Germany oo aan dab yar shidayn balse ay ciyaartaasi noqon doonto mid si weyn la isu weeraro maadama labada xul
ay hayaan ciyaaryahano gool dhalinta ku wanaagsan.
2010 FIFA World Cup™: Round of 16
Argentina 3 : 1 Mexico - Highlights
Germany 4 : 1 England - Highlights
United States 1 : 2 Ghana - Highlights
Uruguay 2 : 1 South Korea - Highlights
Upcoming matches
Netherlands vs. Slovakia - 28 Jun 3:00pm (United Kingdom Time) on BBC1
Brazil vs. Chile - 28 Jun 7:30pm (United Kingdom Time) on ITV1
Paraguay vs. Japan - 29 Jun 3:00pm (United Kingdom Time) on ITV1
Spain vs. Portugal - 29 Jun 7:30pm (United Kingdom Time) on BBC1
FIFA.com - Schedule - Standings - England Overview
Sir Shiine Cilmi Kaahin - SDWO News Desk -Hargeysa
sirshiine@yahoo.com
Brazil iyo Portugal Oo Isku Barbar dhacay, Soona Wada Baxay iyo Ivory
Coust oo 3 iyo Ku Jiidhay North Korea laakiinse Hadhay
Garoonka Durbon Studium ee magaalada Durbon ayaa waxaa ka dhacday
ciyaar aad loo wada sugayay oo lagu tilmaamay inay tahay mid ah
ciyaaraha ugu fiican koobka aduunka, isla markaana waxay ahayd ciyaar
aad u adag, ciyartan waxa isaga hor yimid xulalka Brazil iyo Portugal.
Xulka Brazil oo lagu yaqaani ciyaar wanaag isla markaana ah xul aan ka
maqnaani ciyaaraha koobka aduunka tan iyo intii la aasaasay koobka,
waxayna ku guulaysteen shan koob, mana jirto koox la mid ah dhanka
koob qaadista xitaa koox u soo dhaw ma jirto.
Xulka Portugal ayaa iyagana lagu yaqaanaa inay yihin xul aad u culus
oo ka mid xulalka ugu waaweyn Adduunka.
Labada Xul waxay ciyaarta ku soo galeen qaab taxadar badan uu ka
muuqdo gaar ahaan Xulka Brazil ayaa waxay u ciyaaraysay qaab ay ku
qanacsan tahay inay gasho barbar dhac oo waxay iska ilaalinaysay
kaliya in gool laga dhaliyo, tababaraha xulka brazil Dunga ayaa waxaa
uu ka fadhiisiyay ciyaarta inta badan ciyaaryahana ku caanka ah
weerarka sida Robinho, iyo Elano.
Ciyaarta ayaa waxaa ku badnaa kaadhadhka Yellowga oo dignino badan
ayaa la bixiyay waxaana labada dhinacba ay sameeyen fursado badan oo
goolal lagu dhalin karay hase yeeshee way u suuroobi waysay inay gool
dhaliyaanlabada kooxba.
waxay ciyaarta ku dhamaatay gool la'aan oo barbar dhac ayay isla
jeclaadeen, taas oo labada dhinac badan weyn ugu jirtay gaar ahaan
Brazil oo ku soo baxaysay 7 dhibic isla markaana kaalinta koowaad ee
Groupkan waxaana ay ku dhici doontaa kooxda klalainta 2aad ku soo
baxda ee Groupka H. Halka Portugal ay sugayso kooxda kalainta koowaad
ku soo baxda group H ka dib markii ay shan dhibcood ku soo baxday.
Dhanka kale waxaa ciyaar aad u qiimo badan ay dhex martay xulka Ivory
Coust iyo Koria DPR ama North Koria ,waxaana ay ahayd ciyaar aad ugu
muhiimsan xulka Ivory Coust inakstoo ay hadhay hase ahaatee waa kooxda
kaliya ee afrika ka socotay oo seddex gool iyo waxba ku badisaa.
Daqiiqaddii 14aad ee ciyaarta ayaa ciyaaryahan Yaya Toure uu u
xaqiijiyay goolkii 1aad ee kooxdiisa halka 6 daqiiqao ka dib uun uu
ciyaaryahan Normic uiu goolka labaad dhaliyay, waxaana ciyaarta oo
gacan sarayn badani ay ka muuqatay xulka Afrikaanka ah ayaa waxay ku
dhamatay qaybtii koowaad 2 iyo waxba oo Ivory Coust ku hogaaminayso.
Qaybtii labaad ee ciyaarta ayaa la isku soo noqday, waxaana sii laba
jibaarmay dardartii Afrikaanka iyagoo maanka kuhayay inay u baahan
yihiin inay gooolal badna ku badiyaan si ay ugu suurowdo inay ku soo
baxaan, hase yeeshee waxba may reeban inkastoo ay hadana natiijada
barbar dhaca ee xulalka Brazil iyo Portugal ay la jiifatay.
Daqiiqaddii 87aad ee ciyaarta ayaa waxa S. Kalou u hirgeliyay gool aad
u qurux badan oo Ivroy Coust uu u dhaliyay goolkaas ciyaarta waxaa uu
ka dhigay 3-0 oo ay ku dardareen kuuriyaankii.
Inkastoo ay Ivory Coust hareen ayaa hadana waxay la guryo noqdeen
afardhibcood iyo sharaf ay ku hareen, waxayna cadeeyeen inaysan sahal
u ahayn sida saaxibadoda qaabka xun ku haray ee afrikaanka ahaa.
Shiine Cilmi Kaahin – SDWO News Desk – Hargeysa
sirshiine@yahoo.com
Algeria Oo Ka Hadhay Ciyaaraha Aduunka iyo Germany, Ghana, England iyo USA Oo usoo Baxay 16-ka, Serbia iyo Australia oo caawa ka duuli doona Koonfur Afrika
Hargeisa(SDWO)– Natiijada ciyaartii Caawa Dhacay, wadamada Maraykanka Iyo Algeria ayaa soo gabagabaysay rajadii Algeria ay ka qabtay inay u gudubto wareega labaad ee koobka aduunka kadib markii 1-0 Maraykanku kaga adkaaday Algeria.
Goolka uu ku reeyay Maraykanku ayaa ahaa mid dhashay wakhti aad looga naxo oo ahayd, daqiiqadihii lagu daray ciyaarta kadib markii labada xul ay 90 daqiiqo 0-0 isla dhaafi waayeen. Goolkan oo aad uga nixiya taageerayaasha Algeria sidoo kalana farax iyo damashaad ku abuuray taageerayaasha Maraykanka ah oo uu ugu horeeyo Madaxwaynihii hore ee Maraykanka Bil Clinton.
Sida la sheegay joogitaanka Clinton ayaa dhiiri galisay ciyaartoyda Maraykanka oo muujiyay dadaal dheeraad ah. Hase ahaatee gool hayaha Algeria Raid Ouheb M'bolhi ayaa in badan ka xaaraantimeeyay inay kubadan Maraykan gasho shabaqiisa. Laakiinse taasi kuma waarin goolhaye Raid Ouheb M'bolhi, ee daqiiqadii 90+2 ayaa ugu danbayn kubada gashay shabaqiisa.
Ciyaartoyga Maraykan ee Dempsey ayaa isagu isku dayo badan sameeyay, kuna guulaysatay inuu kubada shabaqa Algeria galiyo, hase ahaatee eegista calanwadaha ayaa aad uga nixisay Dempsey markii goolkiisii loo calaamadayay mid aan waxba ka jirin, off-side-na uu ka noqday.
Germany iyo Ghana oo usoo gudbay Garuub 16-ka, Serbia iyo Australia oo caawa ka duuli doona Koonfur Afrika.
Xulka Ghana ayaa noqotay kooxda kaliya ee Afrikaan ah oo usoo baxda Garuubka 16-ka iyadoo maantana laga badiyey balse hore ayay 4 dhibcood u uruursatay taana waxay ku kasbatay inaay gaarto tartankaan qeybihiisa kale.
Xulka Germany iyo Ghana oo maanta wada ciyaaray ayaa Ghana guul daro aan waxba ka dhibin looga badiyey 1 – 0 taasoo usahlaysa inaay gaadho kulamada loo yaqaan Knock Out ama 16-ka.
Xulka Germany Goolka kaliya ay ku badiyeen waxaa u dhaliyey laacibkooda lambarka 8 - aad M. Özil kaasoo darbad kulul ka tuuray meel 20 mitir goolka u jirta shabaqana ku hubsaday.
Guruubkaan oo ay kuwada jiraan Germany, Ghana, Australia iyo Serbia oo dhamaantood maanta isku saacad wada ciyaaray ayaa kulamadooda waxaa kala badiyey labadii kulan Australia iyo Germany.
Germany guusheeda waxay u horseeday inaay kaalinta koowaad ku hogaamiso hase yeeshee Australia iyadu guusheeda micno ma samaynayn waayo waxaa looga baahnaa inaay ku adkaato ugu yaraan 4 – 0, maadaama hore looga soo adkaaday isla natiijada laga doonayo.
Xulalka ayaa waxay kala galeen sidaan:
Germany waxay dhalisay 5 – gool midna waa laga dhaliyey dhibco ahaana waxay leedahay 6.
Ghana waxay dhalisay 2 – gool 2 – iyada aya laga dhaliyey 4 – Dhibcoodna waay heshay.
Australia waxay dhalisay 3 – Gool, 6 – iyada ayaa laga dhaliyey 3 – gool oo deyn baa lagu leeyahay waana tan keentay inaay Ghana soo baxdo waxayna dhibco ahaan keensatay 4 Dhibcood oo Ghana ayay isku mid yihiin laakin goolasha laga dhaliyey oo tiro badan ayaay isaga duuli doontaa wadankeeda.
Serbia iyadu xisaab maba soo gali karto waayo waxay leedahay 3 dhibcood hadii ay barbaro xitaa keensan lahayd iyadoo soo bixi lahayd.
Shiine Cilmi Kaahin - SDWO News Desk - Hargeisa
Guled Abdi Sheekhaash - SDWO News Editor
Xulka Spain Oo iska Maydhay Ceebtii kasoo gaadhay guuldaradii Swetzerland ay baday
SDWO Johannesburg) Xulka sida weyn loogu saadaalinayey hanashada koobka Aduunka ee Spain ayaa caawa iska madhay ceebtii ka soo gaadhay ciyaartii hore ee looga adkaaday 1 – 0 waxayna Hunduras kaga adkaatay 2 – 0 ciyaar ka dhacday Ellis Park Stadium, ee magaalada Johannesburg
Inkastuu rigoodhe ka qasaariyey laacibkooda David Villa hada labada gool oo ay ku badiyeen ayuu u dhaliyey isagoo sedex gool oo Hatrik u dhalin lahaa aysan usuuragalin waxaana uu ahaa ciyaaryahanka ugu fiicnaa Spain oo wuxuu keenay fursado badan iyo isku dayo badan uu gool ku raadiyey.
Daqiiqadii 87-aad ayuu markale Villa iska qasaariyey fursad aad u wanaagsan oo gool uu ku keensan karay wuxuuna lumiyey inuu hogaanka ugu qabto gool dhalinta tartankan maadama uu fursado badan lumiyey.
Spain ayaa ugu danbayntii 2 – 0 ku adkaatay waxayna iska maydhay ceeb taariikhi ah oo soo gaadhtay maadaama ay ciyaaryahanadooda yihiin kuwa ku fadhiya malaayiin doolar mushaarooyinkoodana aanan caqli gal ahayn.
Spain ayaa u hadhsan hal kulan oo ay la ledahay Chile ayna u baahan tahay inaay ka adkaato Chile, garuubkaan ayaa aad u adag waxaana sedexda kooxood ee kala ah Chile oo lix dhibcood, Spain oo leh 3 dhibcood iyo Swetzerland oo leh 3 dhibcood ay natiijadooda aad halis u tahay kuna xidhan tahay ilaa laga gaadhayo kulamadooda ugu danbeeya.
Xulka Denmark oo Aasay Cameroon iyo Ghana iyo Australia oo isku Raftay
Xulalka Cameroon iyo Denmark ayaa Ciyaar xiisa badani dhex martay,Ciyaartaan oo aad u adkeyd ayaa Markiiba waxaa gool la hormartay xulka Cameroon kaasoo uu udhaliyey Xiddigooda Samuel Eto`o hase yeeshee daafaca reer Cameroon oo aad u liitay ayaa laga daba keenay daqiiqadii 33-aad waxaana goolka ka dhaliyey Laacibka Arsenal ee Bendtner.
Qeybtii hore Ciyaarta ayaa lagu kala nastay 1-1, ka dib xul waliba latashiyo soo sameeyey qalad walibana la iska soo saxay ayaa Xulka Cameroon daafacyadooda misana ay xajisan waayeen goolkooda waxaana u labeeyey D. Rommedahl daqiiqadii 61-aad.
Xulka Cameroon ayaa soo qaday weerar culus waxayna lumiyeen fursado aad qaali u ahaa inkastoo Samuel Eto`o uu aad u ciishooday markuu waayey wax u hiiliya oo goolkiisa u difaaca isla markaana gool labaad kadaba keena waana goolkii ugu horeeyey ay dhaliyaan labadii kulan ay safteen.
Ciyaarta ayaa kusoo afjarantay 2-1 ay guushu ku raacday Xulka Denmark.
Cameroon waa ay ka caraabi doonaan dalka South Africa waayo labadii kulan ay ciyaareen waa laga wada badiyey waxaana u hadhay iyadoo Holland la ciyaarta xitaa hadii ay badiso waxba uma tarayso waa ay isaga hadheen koobka Aduunka waxaana kaalinta labaad isku haysta Denmark iyo Japan tii soo badisa ayaana usoo bixi doonta qeybaha kale ee tartanka.
Xulalka Ghana iyo Australia oo isku Raftay
Labadan xul ee Ghana iyo Australia ayaa kala haystay guul iyo guuldaro waxaana xulka Ghana oo hore ugu soo badisay xulka Serbia ay ku dadaalaysay sidii ay ugu badin lahayd Australia oo iyada 4 gool ugu soo badiyeen Germany.
Australia maadama looga soo badiyey 4 gool waxay markaan is leedahay inaay hesho guushooda ugu horeysay waxaana ay kudadaalaysay in Ghana ay gacanteeda kala baxdo sedexda dhibcood.
Hase yeeshee dadaaalkeeda waxay ku keensadeen in daqiiqadii 11-aad ay helaan goolkooda ugu horeeyey waxaana u dhaliyey B. Holman kaasoo kubad uusoo tufay goolhayaha daba mariyey.
Daqiiqadii 25-aad ayaa kadhka cas loo taagay Kewell oo aan odhan karno wuxuu noqay ciyaaryahanka ugu nasiibka xun ciyaaraha aduunka waayo wuxuu ka ciyaaray 25 daqiiqo oo qudha iyadoo laga saaray garoonka ayna dhici karto inuu seego ciyaaraha Aduunka hadii xulkiisa usoo gudbi waayaan wareega xiga.
Rigoore loo dhigay Xulka Ghana ayaa ka faa`ideysatay waxaana u dhaliyey laacibkooda A. Gyan kaasoo barbaro ka dhigay.
Wixii natiijadaasi ka danbaysay labada kooxood wax goolal kale iskama aysan dhalin 11-ka ciyaaryahan ee Ghana-na kama aysan faa`ideeysan 10 Ciyaaryahan ee ay ku ciyaaraysay Australia inkastoo weeraro tiro badan ay isku soo qaadeen fursado badana ay iska lumiyeen labada xul.
Waxaana ciyaartii kusoo idlaatay 1-1. Guruubkaan waxaa hogaanka u qabtay Ghana oo ku hogaaminaysa 4 dhibcood waxaayna u baahan tahay hal dhibic waxayna kulanka xiga la leedahay Germany 23ka bishan .
Group-kan oo aad u qasan ayaa natiijadooda aan la saadaalin karin oo xitaa laga yaabo in Ghana ay hadhi karto hadii Serbia iyo Germany ay badiyaan.
2010 FIFA World Cup™: Latest Matches -
Spain 2 : 0 Honduras - Highlights
Chile 1 : 0 Switzerland - Highlights
Portugal 7 : 0 North Korea - Highlights
Upcoming matches:
Mexico vs. Uruguay - 22 Jun 3:00pm (United Kingdom Time) on ITV4
France vs. South Africa - 22 Jun 3:00pm (United Kingdom Time) on ITV1
Nigeria vs. South Korea - 22 Jun 7:30pm (United Kingdom Time) on BBC3
Greece vs. Argentina - 22 Jun 7:30pm (United Kingdom Time) on BBC1
Si Toosa ugala Soco Ciyaaraha FIFA.com
JOHANNESBURG, Ciyaar ka tirsan is aragga labaad ee Group B ayaa waxaa garoonka Soccer City ku yeeshay xulalka Argentina iyo Koonfur Kuuriya [Korea Republic], ugu horeynba Argentina ayaa ku bilaabay ciyaar aad u wanaagsan sida la filayay waxayna 4-1 iyagoo qanacsan ay ku dirtay xulka Koonfur Kuuriya.
Qeybihii hore ee ciyaarta ayay labadan xul waxay u muuqdeen i ay ciyaarayaan kubad isku dheeli tiran inkastoo mararka qaar ay Argentina helaysay fursado qaali ah oo gool loo filan karay Messi ayaa wacdaro la yaab leh la soo baxay isagoo si xirfadaysay u soo jibaaxayay daafaca koonfur Kuuriya ka dibna u hadiyeynayay saaxibadiis Carlos Tevez iyo G. Higuin , balse daqiiqadii 16` kubad uu soo laaday xiddiga Messi waxaa goolkiisa ku hagay daafaca koonfur kuuriya Park Chu-Young oo ciyaarta ka dhigay 1-0.
Argentina ayaa jaanta isla helay waxayna muujiyeen kubad caaqibo leh oo ay ku doonayaan inay ku helaan goolal kale daqiiqadii 33` Maxi Rodriguez ayaa dhinaca bidixda ka soo qaaday waxaana madax ku raaciyay G. Higuain.
Koonfur kuuriya ayaa dabayaaqadii qeybta hore waxay waxay sameeyeen isku day badan waxaana daqiiqadii 45` ayaa waxaa gool uu qaladkiisa lahaa Martin Demichelis shabaqa ku luxay Chung-Yong Lee oo ciyaarta ka dhigay in lagu kala nasto 2-1.
Qeybtii labaad ee ciyaarta ayaa waxaa mar kale u muuqdeen in ay si wacan u soo qaateen taladii Diego Maradona waxayna la soo baxeen weeraro lixaad leh xulka koonfur kuuriya ayaa is waayay oo jahawareer xoogan ay la kulmeen 77`daqiiqadu markay ahayd mar kale G. Higuain ayaa shabaqa ku lulay ka gadaal markii kubad uu Messi soo qaaday wuxuu la yimid goolhayaha isagoo gees ka soo galay wuxuuna kubadii uu ku garaacay goolhayihii Messi ayay mar kale ku soo laabatay birta ayuu ku dhuftay waxaana kubaddii ay u timid Huguin oo meel banana ah ka helay goolka.
Xula Argentina oo si weyn guushan ugu mahadcelinaya xiddiga G. Higuain oo daqiiqadii 80` ku sooo afjaray ciyaarta 4-1 oo ay si xarago leh ay guusha ugu raacday Argentina waxaa ay noqotay hogaamiyaha Group B lix dhibcood oo nadiif ah ayayna leeyahiin , dhinaca kale Higuain ayaa noqonaya ciyaaryahanka hogaaminaya xagga gool dhalinta wuxuuna maanta dhaliyay saddex gool nooca loo yaqaano .
Geesta kale ciyaar kulul ayay garoonka Free State magaalada Mangaung/Bloemfontein ku dhex martay Xulalka Nigeria iyo Greece oo ka wada tirsan Group B, Is aragga labaad kooxaha Group-kan ayay kulankan Greece ku quusisay Xulka Nigeria oo iminka u muuqanaya inuu ka dhacayo tareenkii tartankan 2-1 ayay ku kala tageen.
Xulka Nigeria oo ugu horeyntii la soo galay garoonka ciyaar aad u qurux badan oo ay daqiiqadii 16` ayay Greece kaga naxsadeen kubad laad xor ahayd oo uu shabaqa ku tiiriyay Kalu Uche, Xulka Greece oo danaynaya inuu soo gudo goolkan ayaa waxaa ay fursad qaali ah u soo baxday ka dib markii ciyaaryahan Sani Kaita uu si badheedh ah qalad u gaystay waxaana garsooraha ku abaal mariyay kaarka cas garoonka ayaa laga saaray Greece waxay la yimaadeen iyagoo ka faa`ideysanaya Nigeria oo 10 ciyaaryaahn ku ciyaaraysa weeraro lixaad leh ayay ku qaadeen Nigeria waxay la yimaadeen goolkii barbardhaca daqiiqadii 44` D. Salpingidis ayaana u saxiixay qeybtii hore 1-1 ayaana lagu kala nastay.
Inkastoo qeybtii labaad ay muujiyeen Nigeria qaab ay ku ilaashanayaan goolkooda isla markaasna Greece uu la soo baxay dardar hor leh oo ay ku doonayaan inay goolal kale ku dhaliyaan, markii ugu horeysay taariikhda koobka adduunka ayay u suragashay inay guul kala hoydaan garoonka Free State geesiga guusha u soo hoyay V. Torosidis oo xulkiisa ugu faa`ideeyay kubad uu tufay goolhaye Vincent Enyeama oo uu shabaqa dhigay .
Guud ahaan ciyaartan ayaa ku soo idlaatay 2-1 oo ay dhabarjab kala kulantay kooxda reer Afrika ee Nigeria oo u muuqanaysa inay noqon doonto dalkii labaad ee Afrika oo goor hore ka hadha tareenka koobka adduunka ee 2010.
2010 FIFA World Cup™: Latest Matches -
Dhinaca kale xulka dalka Mexico ayaa hargaha u laabay oo albaabada iskugu dhuftay xulkii dalka masar ka dib markii ciyaar isku dheelitiran ay soo bandhigeen kooxda dalka Mexico oo garoonka caawa kala caraabay guul aad u quruxbadan ka dib markii ay kaga adkaadeen oo ay ugu itaal sheegteen kooxda dalka Fransiiska 2-0.
France 0 : 2 Mexico - Highlights
Greece 2 : 1 Nigeria - Highlights
Argentina 4 : 1 South Korea - Highlights
Upcoming matches:
Germany vs. Serbia - 18 Jun 12:30pm (United Kingdom Time) on BBC1
Slovenia vs. United States - 18 Jun 3:00pm (United Kingdom Time) on BBC1
England vs. Algeria - 18 Jun 7:30pm (United Kingdom Time) on ITV1
Shiine Cilmi Kaahin SDWO News Desk – Hargeysa
sirshiine@yahoo.com
M
